وفاقی حکومت نے پیٹرولیم مصنوعات کی قیمتوں میں اضافے کا نوٹیفکیشن جاری کر دیا ہے جس کے مطابق پیٹرول اور ڈیزل دونوں کی قیمتوں میں نمایاں اضافہ کیا گیا ہے۔
نوٹیفکیشن کے مطابق پیٹرول کی قیمت میں 6 روپے 51 پیسے فی لیٹر اضافہ کیا گیا ہے، اسی طرح ڈیزل کی فی لیٹر قیمت میں 19 روپے 39 پیسے کا اضافہ کیا گیا ہے۔
نئی قیمتوں کے مطابق پیٹرول 393 روپے 35 پیسے سے بڑھ کر 399 روپے 86 پیسے فی لیٹر ہو گیا ہے جبکہ ڈیزل 380 روپے 19 پیسے سے بڑھ کر 399 روپے 58 پیسے فی لیٹر مقرر کیا گیا ہے۔
نوٹیفکیشن کے مطابق پیٹرولیم مصنوعات کی نئی قیمتوں کا اطلاق آج رات 12 بجے سے ہوگا، اس فیصلے کے بعد عوام پر مہنگائی کا مزید بوجھ بڑھنے کا خدشہ ظاہر کیا جا رہا ہے۔
Leave a Reply