پاکستان نے ایک بار پھر عالمی سطح پر اپنی تعلیمی برتری ثابت کرتے ہوئے ایراسمس منڈس اسکالرشپ میں مسلسل پانچویں سال پہلی پوزیشن حاصل کر لی ہے۔
2026 کے نتائج کے مطابق پاکستان سے 98 طلبہ اس مکمل فنڈڈ پروگرام کے لیے منتخب ہوئے، جو دنیا بھر میں سب سے زیادہ تعداد ہے۔
اس طرح پاکستان نے 135 ممالک کو پیچھے چھوڑتے ہوئے عالمی درجہ بندی میں سرفہرست مقام برقرار رکھا۔
یہ اسکالرشپس یورپی یونین کے ایراسمس پلس پروگرام کے تحت دی جاتی ہیں، جن کے ذریعے اس سال مجموعی طور پر 1,872 طلبہ کو وظائف دیے گئے۔
اعداد و شمار کے مطابق بنگلہ دیش 80 اسکالرشپس کے ساتھ دوسرے، بھارت 75 کے ساتھ تیسرے، امریکا 68 کے ساتھ چوتھے اور اٹلی 67 کے ساتھ پانچویں نمبر پر رہا۔
Leave a Reply