ڈاکٹر نبیہا نے حال ہی میں نجی ٹی وی کے پوڈ کاسٹ میں اپنے خاوند حارث کھوکھر کے ساتھ شرکت کی اور میزبان فضا علی کے سوالات کے جوابات دیے۔
پوڈکاسٹ میں گفتگو کے دوران نبیہا نے ان مسائل اور سوشل میڈیا پر ملنے والی نفرت کے بارے میں بات کی تو وہ جذباتی ہوگئیں۔
انہوں نے بتایا کہ والد کے انتقال کے بعد والدہ نے بڑی محنت سے انہیں پالا، جس کی وجہ سے انہوں نے کم عمری سے ہی کام کرنا شروع کیا تاکہ والدہ کا بوجھ کم ہو۔
ڈاکٹر نبیہا اپنی والدہ کے انتقال کا تذکرہ کرتے ہوئے آنسو ضبط نہ کرسکیں اور وہ اس دوران رو پڑیں جس کے دوران انہوں نے سوشل میڈیا پر ہونے والی تنقید کا بھی تذکرہ کیا۔
انہوں نے کہا کہ ’میں چاہتی ہوں جو مشکلات اور مسائل میں نے دیکھے وہ کوئی اور لڑکی نہ دیکھے‘۔ اسی کے ساتھ انہوں نے یہ بھی کہا کہ وہ دوسری کی باتوں کی پرواہ نہیں کرتیں اور آئندہ بھی زندگی اپنی مرضی سے گزاریں گی۔
Leave a Reply